सिहरी जाइत अछि देह।
भुटकी जाइत अछि रो।
मौन पैरते ओ निर्भया के संग
होइ वाला कुकृत ।
मानवता के तार-तार करैत ओ दृश्य।
मूक दर्शक बनल ई समाज।
विवश करैत अछि सोचवाक लेल।
की बीतल हेतै ओकरा माई बाबू के।
जे पैएग पैएगआशा ल आँखि में।
भेजने छलै अपन बेटी के।
पढेवाक लेल शहर।
मुदा कहाँ पता छलै ओकरा सब के।
जे ग्रशि जेतै ओकरा निर्भया के ।
ई निर्लज शहर।
बना लेतै ओकरा अप्पन वासना के शिकार।
चूर चूर भ जेतै ओकर ई सपना।
जे कहियो देखने छलै ओ सब अप्पन आँखि में।
मुदा आब आबि गेलै ओ समाय
मिल के आवाज उठाबय के।
फोरी देबाक ले ओ आँखि के
जे कुदृष्टि डाले कोनो निर्भया पर।
कुचली देबाक फन ओ सपोला के।
जे कोनो निर्भया के ग्रसै लेल आगु बढ़ै।
ताकि फेर कोनो निर्भया के सपना।
पूरा होइ स बंचित नै रहए।
